---
title: "تحويل صيغة الصور"
description: "اختار الصور والصيغة اللي عايزها، وخُد الصور متحوّلة في ثواني: PNG إلى JPG، أو JPG إلى PNG، أو WebP إلى JPG، أو أي صورة إلى WebP. التحويل بيحصل في جهازك،…"
url: "https://ahmed-abdelhamed.com/tools/image-converter/"
date_published: "2026-11-11T22:12:00+00:00"
date_modified: "2026-11-20T02:54:55+00:00"
author: "أحمد عبد الحميد"
---

# تحويل صيغة الصور

اختار الصور والصيغة اللي عايزها، وخُد الصور متحوّلة في ثواني: **PNG إلى JPG**، أو **JPG إلى PNG**، أو **WebP إلى JPG**، أو أي صورة إلى **WebP**. التحويل بيحصل في جهازك، يعني **الصور مش بتترفع** لأي مكان.

## إزاي تحوّل صيغة الصورة

1. اختار صورة أو كذا صورة، أو اسحبهم جوه المربع.
2. اختار الصيغة الجديدة: JPG أو PNG أو WebP.
3. اضغط «حوّل الصور»، ونزّل كل صورة من الزرار اللي جنبها.

## أنهي صيغة تختار؟

- **JPG**: للصور الفوتوغرافية وصور المنتجات. حجمها صغير، وكل البرامج والمواقع بتقبلها. مش بتدعم الخلفية الشفافة، فالأداة بتحط مكانها خلفية بيضا.
- **PNG**: للوجوهات والصور اللي فيها كتابة أو خلفية شفافة. جودتها كاملة، بس حجمها أكبر بكتير في الصور الفوتوغرافية.
- **WebP**: أحسن صيغة للمواقع. حجمها أصغر من JPG بحوالي 25–35% بنفس الشكل، وبتدعم الشفافية. ولو هدفك تصغير الحجم، [أداة ضغط الصور](https://ahmed-abdelhamed.com/tools/image-compressor/) بتحوّل لـ WebP وتصغّر المقاس في نفس الخطوة.

## أشهر التحويلات وامتى تحتاجها

- **PNG إلى JPG**: لما صورة المنتج أو السكرين شوت حجمها كبير ومحتاج ترفعها على موقع أو تبعتها.
- **WebP إلى JPG أو PNG**: لما تنزّل صورة من موقع وتلاقي برنامج التصميم أو المنصة مش بتقبل WebP.
- **JPG إلى PNG**: لما برنامج أو منصة بتطلب PNG بالذات. التحويل ده مش بيحسّن الجودة، ومش بيشيل الخلفية.
- **AVIF أو SVG إلى PNG**: علشان تستخدم الصورة في برامج لسه مش بتدعم الصيغ دي.

ولو محتاج تجمع كذا صورة في ملف واحد، استخدم [تحويل الصور إلى PDF](https://ahmed-abdelhamed.com/tools/image-to-pdf/).

## أسئلة شائعة

### التحويل من PNG إلى JPG بيقلل الجودة؟

فرق بسيط ومش بيبان في أغلب الصور لو الجودة 90% أو أكتر. لكن الخلفية الشفافة بتتحوّل لأبيض، لأن JPG مش بيدعم الشفافية.

### هل الصور بتترفع على سيرفر؟

لأ. التحويل كله بيحصل في المتصفح بتاعك، والصور مش بتخرج من جهازك.

### ينفع أحوّل كذا صورة مرة واحدة؟

أيوه، اختار كل الصور مرة واحدة أو اسحبهم في المربع، وكل صورة هيبقى لها زرار تنزيل.

### ليه الصورة بعد التحويل لـ PNG حجمها كبر؟

لأن PNG بيحفظ الصورة من غير ضغط. للصور الفوتوغرافية استخدم JPG أو WebP علشان الحجم يبقى صغير.
