---
title: "فحص تسرب العملاء من المتجر"
description: "كل زائر بيمشي من متجرك من غير ما يطلب، انت دافع تمنه. جاوب على 13 سؤال وخُد درجة لكل مرحلة وأكبر تسرب عندك و3 خطوات تصلحه بيهم. من غير تسجيل.…"
url: "https://ahmed-abdelhamed.com/tools/store-conversion-audit/"
date_published: "2026-11-19T23:23:30+00:00"
date_modified: "2026-11-20T02:54:09+00:00"
author: "أحمد عبد الحميد"
---

# فحص تسرب العملاء من المتجر

كل زائر بيمشي من متجرك من غير ما يطلب، انت دافع تمنه. جاوب على 13 سؤال وخُد **درجة لكل مرحلة** و**أكبر تسرب عندك** و**3 خطوات تصلحه بيهم**. من غير تسجيل.

## ليه المتجر فيه زيارات ومفيش طلبات؟

الإعلان بيجيب الزوار، لكن المتجر هو اللي بيبيع. وفي أغلب المتاجر اللي براجعها، الطلبات بتضيع في خمس أماكن: متجر بطيء على الموبايل، أو صفحة منتج ما بتقنعش، أو صفحة دفع فيها عقبات، أو ثقة ناقصة، أو عملاء سابوا السلة ومحدش رجّعهم. والتفاصيل في [تجربة العملاء CX](https://ahmed-abdelhamed.com/blog/customer-experience/) و[زيادة مبيعات المتجر الإلكتروني](https://ahmed-abdelhamed.com/blog/increase-online-store-sales/).

## اللي الفحص بيقيسه

- **السرعة والموبايل**: هل الزائر بيشوف متجرك أصلًا قبل ما يزهق.
- **صفحة المنتج**: هل فيها اللي يقنع. اقرا [صفحة المنتج](https://ahmed-abdelhamed.com/blog/product-page-conversion/).
- **السلة والدفع**: هل اللي قرر يشتري بيكمّل.
- **الثقة**: التقييمات، والاسترجاع، والتواصل.
- **الاسترجاع والتتبع**: هل اللي مشي بيرجع، وهل انت عارف الأرقام.

## تبدأ منين؟

ابدأ بأكبر تسرب، لأنه غالبًا بيأثر على كل اللي بعده. ولو التسرب في الدفع، ده أسرع تصليح وأكبر أثر، لأن العميل اللي وصل للدفع كان قرر يشتري خلاص.

## أسئلة شائعة

### الفحص بينفع لأي منصة؟

أيوه، الأسئلة عامة وبتنفع لووكومرس وسلة وزد وشوبيفاي وأي متجر. بعض الخطوات التقنية بتختلف حسب المنصة.

### محتاج أدخل رابط متجري؟

لأ. الفحص على إجاباتك، وكل حاجة في المتصفح بتاعك. ولو عايز فحص فني للسرعة، استخدم أداة فحص سرعة الموقع.

### إيه أسرع تعديل بيرفع المبيعات؟

غالبًا تبسيط صفحة الدفع: الطلب كضيف، وتوضيح الشحن بدري، وتقليل الخانات. لأنه بيأثر على عملاء قرروا يشتروا فعلًا.

### أعيد الفحص إمتى؟

بعد أسبوعين أو تلاتة من تنفيذ خطوات أكبر تسرب، وقارن نسبة إتمام الطلب قبل وبعد.
