أفهم المشكلة قبل ما أتحرك
أغلب الحملات اللي شفتها كانت بتتعالج بالإعدادات، والمشكلة كانت قبل الإعدادات بخطوة أو اتنين: في العرض، أو الصفحة، أو الرد.
الحكاية
من سطر كود لحملات في 39 دولة
-
2015
الكود الأول
بدأت أتعلم لغات الويب: HTML وCSS وJavaScript وPHP. ومن هنا اتعلمت إن أي صفحة بطيئة أو فورم بايظ بيضيّع عميل قبل ما يشتري.
-
2016
أول إعلان
كاتب كنت بحترمه جدًا طلب مني أوصّل صفحته لناس أكتر. ما كانش عندي كورس ولا حد يوجهني، فقعدت أقرا وأجرب. بعده جه صاحب تاني وتالت، والمساعدة بقت شغل.
-
2019
ووردبريس من جوه
اتعمقت في WordPress وWooCommerce، وبقى شغلي الأساسي إني أشخّص المشاكل البرمجية اللي بتوقف المواقع والمتاجر وأحلها.
-
2020
السيو
ضفت السيو، لأن الزيارة اللي جاية من جوجل مش بتقف لما الإعلان يقف. ودي حلقة ناقصة عند ناس كتير معتمدين على الإعلان لوحده.
-
2024
الأتمتة والذكاء الاصطناعي
Google Apps Script، وربط الأدوات ببعض بالـ APIs، وأنظمة بتشيل الشغل المتكرر: تقارير لوحدها، وردود، ومتابعة عملاء.
-
النهارده
لسه بدير حملات كل يوم
كتبت كتاب عن صناعة الإعلانات، وبنيت إضافة ووردبريس منشورة، وأداة لمتابعة الحسابات الإعلانية. ومع ده كله لسه شغال ميديا باير بإيدي، فأنا مش بكتب عن شغل سبته.