الأتمتة وأدوات الأعمال · مجانية · من غير تسجيل

حاسبة توفير الأتمتة: المهمة دي بتكلّفك كام فعلًا؟

اكتب المهمة اللي فريقك بيعملها كل يوم بإيده، وقد إيه بتاخد، وخُد الساعات والفلوس اللي الأتمتة هتوفرها، والتكلفة هترجع بعد قد إيه.

ساعات بتوفرها في الشهر—
التوفير الصافي في الشهر—بعد اشتراك الأدوات
التكلفة بترجع بعد—
صافي أول سنة—التوفير ناقص التنفيذ والاشتراكات
أيام شغل بتوفرها في السنة—على أساس 8 ساعات في اليوم

كل الحساب بيتم في المتصفح بتاعك، ومفيش أي بيانات بتتبعت.

إزاي الحاسبة بتحسب

  1. الساعات في الشهر = مرات المهمة في الأسبوع × الدقايق ÷ 60 × 4.33 أسبوع × نسبة الشغل اللي هيتأتمت.
  2. التوفير الصافي = الساعات × تكلفة الساعة − اشتراك الأدوات في الشهر.
  3. فترة الاسترداد = تكلفة التنفيذ ÷ التوفير الصافي في الشهر.

الحاسبة بتحسب الوقت بس. ومعظم الوقت المكسب الأكبر من الأتمتة مش بيظهر في المعادلة: رد أسرع على العميل، وغلطات أقل في الأوردرات، ومتابعة ما بتتنسيش.

إيه المهام اللي تستاهل تتأتمت؟

  • بتتكرر كتير وبنفس الخطوات: نقل أوردرات، وتأكيدها، وإرسال رسايل متابعة.
  • بتنقل بيانات من مكان لمكان: من فورم لشيت، ومن المتجر لشركة الشحن، ومن الواتساب لنظام العملاء.
  • التأخير فيها بيخسّرك: الرد على ليد جديد، وتذكير العميل بالحجز، ومتابعة السلة المتروكة.

والمهام اللي فيها قرارات مختلفة كل مرة أو تعامل حساس مع العميل، خليها لإنسان وأتمت الخطوات اللي حواليها بس.

ابدأ صغير

أحسن أول أتمتة غالبًا بتبقى أبسط واحدة بتتكرر أكتر حاجة. ولو المهمة ليها علاقة بالواتساب، ابدأ بـ رابط واتساب برسالة جاهزة لكل مصدر، علشان تعرف كل عميل جاي منين قبل ما تبني أي نظام. وشوف خدمة أتمتة الأعمال لو عايز حد ينفذ.

أسئلة شائعة

أحسب تكلفة ساعة الموظف إزاي؟

اقسم المرتب الشهري (ومعاه أي تكاليف تانية عليه) على عدد ساعات الشغل في الشهر. موظف بـ 9600 في الشهر وبيشتغل 160 ساعة، تكلفة ساعته حوالي 60.

هل الأتمتة بتلغي الموظف؟

غالبًا لأ. الأتمتة بتشيل الجزء الممل والمتكرر، والموظف بيركز في الشغل اللي محتاج تفكير وتعامل مع العملاء. علشان كده الحاسبة بتحسب الساعات اللي بتتوفر، مش وظايف.

إيه الأدوات اللي بتستخدم في الأتمتة؟

حسب المهمة: Make أو n8n أو Zapier لربط الأدوات ببعض، وواتساب بيزنس API للرسايل، وأحيانًا كود بسيط على سيرفر. اشتراك الأداة بيدخل في خانة «اشتراك الأدوات في الشهر».

English version of this tool