السيو · مجانية · من غير تسجيل
مولّد Meta Tags: العنوان والوصف وOpen Graph وصورة المشاركة
اكتب عنوان ووصف وصورة صفحتك، وخُد أكواد الـ Meta Tags كاملة، ومعاينة لشكلها في جوجل ولما حد يشاركها على فيسبوك أو واتساب.
شكلها في جوجل
شكلها لما تتشارك (فيسبوك، واتساب…)
كل الحساب بيتم في المتصفح بتاعك، ومفيش أي بيانات بتتبعت.
إيه هي الـ Meta Tags؟
أكواد في الـ <head> بتاع الصفحة، مش بتظهر للزائر، لكن جوجل ومنصات السوشيال بيقروها:
- title وdescription: العنوان والوصف اللي بيظهروا في نتايج جوجل.
- canonical: بيقول لجوجل الرابط الأساسي للصفحة لو ليها كذا رابط.
- Open Graph (og:): العنوان والوصف والصورة اللي بتظهر لما الرابط يتشارك على فيسبوك وواتساب ولينكدإن.
- Twitter Cards: نفس الفكرة لمنصة X.
- robots: لو عايز تخفي الصفحة من جوجل (noindex).
ليه الرابط بيظهر من غير صورة في الواتساب؟
غالبًا لأن الصفحة ما فيهاش og:image، أو الصورة صغيرة أو بطيئة. استخدم صورة 1200×630 بكسل، وحجمها أقل من 300 كيلو (اضغطها من أداة ضغط الصور). وفيسبوك وواتساب بيحتفظوا بالشكل القديم شوية، فلو غيّرت الصورة، حدّثها من Facebook Sharing Debugger.
في ووردبريس مش محتاج تلزق الكود
إضافات السيو زي Yoast وRank Math بتطلّع الأكواد دي لوحدها. اكتب العنوان والوصف وصورة المشاركة في الإضافة، واستخدم الأداة هنا علشان تجهّزهم وتشوف شكلهم. وللعنوان بالبكسل بالظبط، جرّب معاينة نتيجة جوجل.
أسئلة شائعة
هل Meta Keywords لسه مهمة؟
لأ. جوجل بيتجاهل meta keywords من سنين، علشان كده الأداة مش بتطلّعها.
مقاس صورة Open Graph كام؟
1200×630 بكسل (نسبة 1.91:1) هو المقاس المناسب لفيسبوك وواتساب ولينكدإن.
أحط الأكواد دي فين؟
جوه وسم head في الصفحة. وفي ووردبريس، إضافة السيو بتحطها لوحدها.