متاح لمراجعة حسابات جديدة هذا الأسبوع

اعرف فلوس
إعلاناتك بتضيع
فين بالظبط

قبل ما تزوّد الميزانية أو تغيّر الميديا باير، خلّي حد يفتح الحساب ويقولك المشكلة فين بالأرقام. أنا أحمد عبد الحميد، ميديا باير بخبرة +11 سنة. بدخل حسابك الإعلاني على ميتا أو جوجل بصلاحية مؤقتة، وبراجع التتبع والهيكلة والجمهور والإعلانات والأرقام بند بند، وبسلّمك خلال يوم أو يومين تقرير مكتوب بالأخطاء مرتبة حسب أولوية إصلاحها، وجلسة نشرحه فيها سوا.

  • تقرير مكتوب تحتفظ بيه
  • جلسة شرح أونلاين
  • 1000 جنيه للحساب
إمتى تحتاج مراجعة؟

علامات إن حسابك الإعلاني محتاج مراجعة قبل أي قرار

المراجعة أرخص بكتير من شهر إضافي من الصرف على حملة فيها خطأ أساسي.

بتصرف ومش عارف إيه اللي بيجيب نتيجة

اللي ببص عليه: المراجعة بتفصل الحملات اللي بتكسب عن اللي بتاكل الميزانية، بالأرقام مش بالإحساس.

أرقام ميتا مش زي أرقام المتجر

اللي ببص عليه: غالبًا مشكلة تتبع: بيكسل بيسجّل مرتين، أو حدث ناقص، أو Conversions API مش متظبط.

تكلفة الأوردر أو الرسالة بتزيد من غير سبب واضح

اللي ببص عليه: ببص على تكرار الظهور، وتعب الإعلانات، وتداخل الجماهير، وتقسيم الميزانية.

مش متأكد إن الميديا باير بتاعك شغال صح

اللي ببص عليه: بتاخد رأي تاني محايد من حد مش بيبيعلك إدارة، مع أسباب واضحة لكل ملاحظة.

هتزوّد الميزانية وخايف تخسر أكتر

اللي ببص عليه: قبل التوسيع لازم الأساس يكون سليم، وإلا الزيادة بتكبّر الخسارة مش المبيعات.

الحساب اتقيّد أو الإعلانات بتترفض كتير

اللي ببص عليه: بنراجع الإعلانات والصفحات والدفع، ونحدد السبب الأقرب والخطوة الرسمية الصح.

المراجعة بتشمل إيه

مراجعة الحساب الإعلاني في 8 محاور

كل محور فيه بنود فحص محددة، والتقرير بيقولك إيه السليم، وإيه الغلط، وتصلّحه إزاي، وبأي ترتيب.

  • Facebook
  • Instagram
  • Messenger
  • WhatsApp
  • Google Ads
  • YouTube
  1. التتبع والقياس

    البيكسل وConversions API والأحداث وإزالة التكرار، وتحويلات جوجل ادز، ومقارنة الأرقام بالطلبات الفعلية.

  2. هيكلة الحساب

    أهداف الحملات، وعدد المجموعات، وتقسيم الميزانية، والتداخل بين الحملات، ونظام التسمية.

  3. الجمهور والاستهداف

    الاستهداف الواسع والمخصص والمشابه، والاستبعادات، وإعادة الاستهداف، والكلمات السلبية في جوجل.

  4. الإعلانات والعرض

    أداء كل إعلان، والتنوع في الأفكار والأشكال، وتعب الإعلانات، ووضوح العرض والدعوة لاتخاذ إجراء.

  5. الأرقام والأداء

    تكلفة النتيجة، ومعدل النقر، وتكرار الظهور، ونقطة التعادل، وهل الأرقام دي بتكسّبك فعلًا.

  6. الميزانية وعروض الأسعار

    توزيع الصرف، واستراتيجية عروض الأسعار، وتوقيت الزيادة، والحملات اللي محتاجة تتوقف.

  7. ما بعد الضغطة

    صفحة الهبوط أو المنتج، والسرعة، والفورم، وسرعة الرد على الرسايل، لأن البيعة بتقع هنا كتير.

  8. صحة الحساب والأمان

    حالة الحساب وجودة الإعلانات، والصلاحيات، والدفع، والتحقق بخطوتين، وتوثيق الدومين.

الفرق اللي هتحسّه

مراجعة بتشوف الإعلان والموقع مع بعض

مراجعات كتير بتقف عند Ads Manager. لكن نص المشاكل اللي بشوفها أصلها برّه الحساب: بيكسل متركّب غلط في الموقع، أو صفحة بطيئة، أو فورم بيقع، أو رسايل بتترد بعد ساعات. ولأني مطوّر WordPress وWooCommerce كمان، بقدر أوصل للسبب ده وأقولك تصلّحه إزاي بالظبط.

وعايز حد يدير الحساب بعد المراجعة؟ دي خدمة إدارة الحملات
خطوات المراجعة

المراجعة بتمشي إزاي؟

  1. 01

    رسالة على واتساب

    بتقولي المنصة ونوع نشاطك والإنفاق الشهري تقريبًا، وإيه أكتر حاجة قلقاك في الحساب.

  2. 02

    صلاحية مؤقتة

    بتديني صلاحية على الحساب الإعلاني من إعدادات الأعمال، من غير ما تشارك الباسورد، وتقدر تشيلها بعد المراجعة.

  3. 03

    المراجعة

    بمشي على المحاور الثمانية بند بند، وبرجع لبيانات فترة كافية مش آخر كام يوم بس. المراجعة كلها بتخلص في يوم أو يومين.

  4. 04

    التقرير المكتوب

    كل ملاحظة فيها: إيه المشكلة، وليه مهمة، وتصلّحها إزاي، ومرتبة حسب الأولوية والتأثير.

  5. 05

    جلسة الشرح

    جلسة أونلاين نمشي فيها على التقرير وترد فيها على أسئلتك، وبعدها متابعة على واتساب أسبوع بعد التطبيق.

قبل ما تحجز

المراجعة مناسبة ليك؟

مناسبة لو

  • عندك حملات شغالة أو اشتغلت في آخر شهور
  • بتدير إعلاناتك بنفسك وعايز تعرف إنت ماشي صح ولا لأ
  • عندك ميديا باير أو وكالة وعايز رأي تاني محايد
  • هتزوّد الميزانية وعايز تتأكد إن الأساس سليم
  • عندك أكتر من حساب أو أكتر من منصة

مش مناسبة لو

  • الحساب جديد ولسه ما صرفش أي حاجة (هنا الأنسب استشارة بداية)
  • مستني المراجعة نفسها ترفع المبيعات من غير ما تطبّق التوصيات
  • عايز حد يرجّعلك حساب متعطّل بطرق مش رسمية
ليه تراجع معايا

رأي محايد من حد بيدير حسابات كل يوم

أحمد عبد الحميد، ميديا باير
أحمد عبد الحميدميديا باير ومطوّر WordPress · خبرة +11 سنة
+11
سنة خبرة
+219
عميل ومشروع
+39
دولة

مش ببيعلك إدارة

التقرير بتاعك تطبّقه بنفسك أو مع أي حد. الهدف إنك تعرف الحقيقة، مش إنك تتعاقد معايا.

كل ملاحظة ليها سبب

مش قايمة عامة منسوخة. كل نقطة مربوطة برقم أو إعداد في حسابك إنت.

الحساب في أمان

صلاحية مؤقتة من إعدادات الأعمال، ومن غير ما أغيّر أي حاجة في الحساب إلا لو طلبت.

إزاي تدّي صلاحية بأمان

منهج مكتوب

طريقة التشخيص اللي بمشي عليها شارحها بالتفصيل في كتابي، ومتاح تقراه مجانًا.

اقرأ الكتاب
ببلاش

افحص حسابك بنفسك الأول: قايمة فحص من 30 بند

نفس المحاور اللي بمشي عليها في المراجعة، في ملف PDF صفحتين. علّم على كل بند متحقق في حسابك، ولو أكتر من 5 بنود مش متحققة أو مش عارف تتأكد منهم، الحساب محتاج مراجعة كاملة قبل ما تزوّد الميزانية. ابعتلي رسالة وهتوصلك القايمة على واتساب.

ابعتهالي على واتساب
  1. التتبع والبيكسل
  2. هيكلة الحملات
  3. الجمهور والاستهداف
  4. الإعلانات والعرض
  5. الأرقام والأداء
  6. الميزانية والعروض
  7. ما بعد الضغطة
  8. صحة الحساب والأمان
السعر

سعر مراجعة الحساب الإعلاني

تبدأ من 1,000 جنيه (حوالي 70 ريال).

سعر مراجعة الحساب الإعلاني الواحد 1000 جنيه، وبتخلص في يوم أو يومين، وبتشمل التقرير المكتوب وجلسة الشرح والمتابعة أسبوع على واتساب. ولو عندك أكتر من حساب أو أكتر من منصة، فيه سعر أفضل، ابعتلي عددهم وأقولك.

المراجعة مش بتغيّر حاجة في حسابك. التطبيق عليك أو على فريقك، ولو حبيت أطبّق أنا، ده بيتفق عليه لوحده.

احجز المراجعة
  • مراجعة المحاور الثمانية للحساب
  • تقرير مكتوب بالأخطاء وأولويات الإصلاح
  • جلسة شرح أونلاين للتقرير
  • متابعة على واتساب أسبوع بعد التطبيق
الأسئلة الشائعة

أسئلة بتتكرر قبل ما نبدأ

المراجعة بتاخد قد إيه؟

يوم أو يومين من وقت ما تديني الصلاحية على الحساب، وبعدها بتستلم التقرير المكتوب ونحدد ميعاد جلسة الشرح.

لازم أديك الباسورد؟

لأ، خالص. بتضيفني على الحساب الإعلاني من إعدادات الأعمال بصلاحية محددة، وتقدر تشيلها في أي وقت. الطريقة متشرحة في مقال صلاحيات ميتا بيزنس.

هتغيّر حاجة في الحساب؟

لأ. المراجعة قراءة وتحليل بس. أي تعديل بيحصل بعد ما تقرر إنت، وبإيدك أو بإيد فريقك.

بتراجع حسابات جوجل ادز كمان؟

أيوه، بتابع التحويلات والكلمات وأنواع المطابقة والكلمات السلبية وهيكلة الحملات بنفس المنهج. ولو عندك حسابات على المنصتين، ابعتلي وأقولك السعر المجمّع.

المراجعة بتضمن إن النتايج تتحسن؟

لأ، ومحدش يقدر يضمن ده. اللي بتضمنه إنك تعرف المشاكل الحقيقية وترتيب حلها. التحسن بييجي من التطبيق، ومن المنتج والعرض كمان.

لو حسابي متقيّد، المراجعة تنفع؟

تنفع عشان نعرف السبب الأقرب والخطوة الرسمية المناسبة، ونظبط الإعلانات والصفحات عشان المشكلة ما تتكررش. لكن مفيش حد يقدر يضمن رجوع حساب متعطّل.

آخر تحديث للصفحة:

ابعت حسابك ونشوف

ابعتلي على واتساب المنصة ونوع نشاطك والإنفاق الشهري تقريبًا، ولو عندك أكتر من حساب قولي عددهم. هرد عليك بالخطوة الجاية والسعر النهائي.

ابدأ محادثة على واتساب
احجز مراجعة حسابك