الإعلانات والتجارة الإلكترونية · مجانية · من غير تسجيل

حاسبة الخصم: السعر بعد الخصم وتأثيره على ربحك

احسب السعر بعد الخصم ونسبة الخصم في ثانية. ولو إنت صاحب المنتج، الحاسبة هتقولك الحاجة اللي محدش بيحسبها: الخصم ده هياكل كام من ربحك، ومحتاج تبيع كام قطعة زيادة علشان تطلع بنفس الربح.

عايز تحسب إيه؟
السعر بعد الخصم—
العميل بيوفّر—
هامشك قبل ← بعد الخصم—
ربحك في القطعة قبل ← بعد—
لازم مبيعاتك تزيد—علشان تفضل بنفس الربح

كل الحساب بيتم في المتصفح بتاعك، ومفيش أي بيانات بتتبعت.

إزاي تحسب السعر بعد الخصم ونسبة الخصم

السعر بعد الخصم = السعر × (1 − نسبة الخصم)

منتج بـ 500 عليه خصم 20%: 500 × 0.80 = 400، والعميل بيوفّر 100.

نسبة الخصم = (السعر القديم − السعر الجديد) ÷ السعر القديم × 100

منتج كان بـ 800 وبقى بـ 600: (800 − 600) ÷ 800 = 25%. اختار «نسبة الخصم من سعرين» فوق علشان تحسبها على طول.

الحساب اللي محدش بيعمله: الخصم بياكل من ربحك مش من سعرك

خصم 20% مش معناه إن ربحك قلّ 20%. الخصم بيتشال كله من الربح، لأن التكلفة ما اتغيرتش. منتج بـ 500 وتكلفته 300 بيكسّبك 200. بخصم 20% بقى بـ 400 وبيكسّبك 100 بس، يعني ربحك في القطعة اتقسم نصين، ولازم تبيع الضعف علشان تطلع بنفس الربح.

الجدول ده بيوضح المبيعات لازم تزيد قد إيه علشان تحافظ على نفس الربح، حسب هامشك قبل الخصم:

هامشكخصم 10%خصم 20%خصم 30%
30%+50%+200%∞
40%+33%+100%+300%
50%+25%+67%+150%
60%+20%+50%+100%

ولو المنتج بيتباع بإعلانات، الخصم كمان بيرفع ROAS التعادل بتاعك، لأن الهامش اللي بيدفع تمن الإعلان بقى أصغر.

بدائل للخصم بتحافظ على هامشك

  • هدية مع الأوردر: قيمتها عند العميل أعلى من تكلفتها عليك.
  • شحن مجاني فوق مبلغ معيّن: بيرفع متوسط قيمة الأوردر بدل ما ينزّل السعر.
  • اشتري 2 والتالتة بخصم: الخصم بيتحسب على قطعة إضافية مش على البيعة الأساسية.
  • خصم لفترة قصيرة ولسبب واضح: موسم أو مناسبة، علشان العميل ما يتعودش يستنى الخصم.

العرض نص الشغل، والنص التاني إنك تفهم المشتري. ده الفصل التالت في كتابي «ما لا يسع المُعلن جهله».

مثال محلول بالجنيه والريال

  • بالجنيه المصري: فستان بـ 1,250 جنيه عليه خصم 30%: 1,250 × 0.70 = 875 جنيه، والعميل بيوفّر 375 جنيه.
  • بالريال السعودي: عطر كان بـ 320 ريال وبقى بـ 256 ريال: (320 − 256) ÷ 320 × 100 = خصم 20%.

أسئلة شائعة

إزاي أحسب نسبة الخصم؟

اطرح السعر الجديد من السعر القديم، واقسم الناتج على السعر القديم، واضرب في 100. من 800 لـ 600 يبقى (200 ÷ 800) × 100 = 25%.

إزاي أحسب السعر بعد الخصم؟

اضرب السعر في (1 − نسبة الخصم). خصم 15% على 200 يبقى 200 × 0.85 = 170.

أقصى خصم أقدر أعمله من غير ما أخسر كام؟

أقصى خصم من غير خسارة يساوي هامش ربحك من سعر البيع. لو بتكسب 30% من السعر، أي خصم فوق 30% بيخلّي القطعة تتباع بخسارة. وده قبل تكلفة الإعلان، فالحد الآمن عمليًا أقل من كده.

هل الخصم الكبير بيزوّد المبيعات دايمًا؟

لأ. الخصم بيجيب مبيعات لو السعر كان هو العائق الحقيقي. لو المشكلة في الثقة أو العرض أو الإعلان نفسه، الخصم بيقلّل ربحك من غير ما يحل المشكلة.

English version of this tool