المواقع والبرمجة · مجانية · من غير تسجيل

فحص سرعة الموقع بالعربي: النتيجة ومعناها وتبدأ منين

اكتب رابط أي صفحة وخُد نتيجة فحص السرعة من جوجل على الموبايل أو الكمبيوتر: درجة الأداء، ومؤشرات Core Web Vitals، وأكتر الحاجات اللي بتبطّأ الصفحة مكتوبة بالعربي، علشان تعرف تبدأ منين.

الفحص على

كل الحساب بيتم في المتصفح بتاعك، ومفيش أي بيانات بتتبعت.

الفحص ده بيقيس إيه؟

الأداة بتستخدم Google PageSpeed Insights: جوجل بيفتح صفحتك من سيرفراته على موبايل متوسط ونت متوسط، وبيقيس بتفتح في قد إيه. والنتيجة فيها جزئين:

  • بيانات المعمل (الدرجة من 100 والمؤشرات): فحص واحد دلوقتي، مفيد علشان تعرف المشكلة فين.
  • تجربة الزوار الحقيقيين: بيانات آخر 28 يوم من زوار كروم الفعليين، ودي اللي جوجل بيعتمد عليها في الترتيب. بتظهر بس لو صفحتك عليها زيارات كفاية.

معنى المؤشرات

المؤشربيقيس إيهكويس لو
LCPإمتى أكبر عنصر في الشاشة (صورة أو عنوان) ظهرأقل من 2.5 ثانية
INPالصفحة بترد بسرعة لما الزائر يضغطأقل من 200 مللي ثانية
CLSالعناصر بتتحرك وتتنطط وهي بتحمّلأقل من 0.1
TBTالصفحة متجمدة قد إيه بسبب الجافاسكريبت (في المعمل)أقل من 200 مللي ثانية
FCPإمتى أول حاجة ظهرت في الشاشةأقل من 1.8 ثانية

أشهر أسباب بطء المواقع

  1. صور كبيرة: صورة 3 ميجا مكان صورة كان ممكن تبقى 150 كيلو. حوّلها لـ WebP واظبط مقاسها.
  2. إضافات وأكواد كتير: كل إضافة ووردبريس، وكل بيكسل، وكل شات بوت بيزوّد جافاسكريبت بتتحمّل قبل ما الصفحة تبقى جاهزة.
  3. استضافة ضعيفة أو مفيش كاش: السيرفر بيتأخر في أول رد (TTFB).
  4. قوالب تقيلة: قوالب الـ page builders مليانة أكواد مش مستخدمة.

والدرجة على الموبايل أقل دايمًا من الكمبيوتر، وده طبيعي. اهتم بالموبايل الأول، لأن أغلب زوارك وزوار الإعلانات منه. ولو موقعك بطيء ومش عارف تبدأ منين، شوف خدمة تصميم مواقع ووردبريس.

أسئلة شائعة

هل سرعة الموقع بتأثر على ترتيبه في جوجل؟

أيوه، مؤشرات Core Web Vitals جزء من تقييم تجربة الصفحة عند جوجل. لكن تأثيرها أقل من المحتوى نفسه، وتأثيرها الأكبر بيبقى على الزوار: الصفحة البطيئة بتخسّر ناس قبل ما تفتح.

ليه النتيجة بتتغير كل مرة أفحص؟

لأن الفحص بيتأثر بالسيرفر والشبكة في اللحظة دي. الفرق البسيط طبيعي، فاعمل الفحص 2 أو 3 مرات وخُد المتوسط، واعتمد أكتر على بيانات الزوار الحقيقيين.

درجة السرعة الكويسة كام؟

من 90 لـ 100 ممتاز، ومن 50 لـ 89 محتاج تحسين، وأقل من 50 بطيء. والأهم من الدرجة إن مؤشرات LCP وINP وCLS للزوار الحقيقيين تبقى في المنطقة الخضرا.

ليه بيانات الزوار الحقيقيين مش ظاهرة؟

جوجل بيعرضها بس للصفحات اللي عليها زيارات كفاية من مستخدمي كروم في آخر 28 يوم. لو موقعك جديد أو زياراته قليلة، هتشوف بيانات المعمل بس.

English version of this tool