المواقع والبرمجة · مجانية · من غير تسجيل

تكلفة تصميم موقع أو متجر: حدّد المواصفات قبل ما تطلب سعر

سؤال «تصميم موقع بكام؟» مالوش إجابة من غير مواصفات. اختار نوع المشروع واللي محتاجه، وخُد حجم المشروع وملخص مواصفات جاهز تبعته لأي مبرمج، علشان العروض اللي تجيلك تبقى على نفس الأساس وتقدر تقارنها.

نوع المشروع
لغة الموقع

محتاج إيه في الموقع؟

محتاجه إمتى؟
حجم المشروع—

ملخص المواصفات (ابعته لأي مبرمج علشان العروض تبقى على نفس الأساس)

كل الحساب بيتم في المتصفح بتاعك، ومفيش أي بيانات بتتبعت.

ليه أسعار تصميم المواقع مختلفة بالشكل ده؟

لأن «موقع» كلمة واسعة. صفحة هبوط واحدة، وموقع شركة 8 صفحات، ومتجر فيه 500 منتج مربوط بشركة شحن وبوابة دفع، تلات مشاريع مختلفة تمامًا. ولما تسأل 5 مبرمجين «تصميم موقع بكام؟» من غير مواصفات، كل واحد بيسعّر حاجة مختلفة في دماغه، وبتلاقي فرق كبير ما ينفعش يتقارن.

إيه اللي بيحدد تكلفة تصميم الموقع؟

  • نوع الموقع: المتجر الإلكتروني أكبر من موقع الشركة لأن فيه سلة ودفع وشحن ومخزون.
  • عدد الصفحات أو المنتجات، وهل محتواها وصورها جاهزة ولا محتاجة تتعمل.
  • الربط بأنظمة تانية: بوابات الدفع، وشركات الشحن، وأنظمة الحجز، وبرامج العملاء.
  • التتبع والإعلانات: بيكسل ميتا وGoogle Analytics وتتبع المبيعات من الخادم. لو هتعلن، دول مش رفاهية.
  • اللغات: موقع بلغتين بيحتاج شغل في التصميم والمحتوى والسيو مش ترجمة وبس.
  • اللي بعد التسليم: الاستضافة والدومين والصيانة والدعم، وده بيتنسي كتير وقت المقارنة.

أسئلة لازم تسألها لأي مبرمج قبل ما تتفق

  1. الموقع هيبقى ملكي بالكامل؟ والدومين والاستضافة باسمي؟
  2. هقدر أعدّل المحتوى والأسعار بنفسي ولا هرجع لك في كل تعديل؟
  3. السعر شامل إيه بالظبط؟ وإيه اللي برّه السعر؟
  4. الموقع هيبقى سريع على الموبايل؟ وهيتسلّم والتتبع والسيو الأساسي متظبطين؟
  5. إيه اللي بيحصل بعد التسليم لو حاجة وقفت؟

ابعت ملخص المواصفات اللي فوق لكل مبرمج، واسأله الأسئلة دي، وقتها المقارنة هتبقى عادلة. وعلشان تعرف التفاصيل وإزاي بشتغل، شوف خدمة تصميم مواقع ووردبريس وتصميم متجر إلكتروني.

أسئلة شائعة

تكلفة تصميم موقع بتبقى كام؟

بتختلف حسب نوع الموقع وعدد الصفحات والربط والمحتوى. مفيش رقم واحد ينفع للكل، علشان كده الأداة بتطلّع ملخص مواصفات تاخد بيه عروض أسعار قابلة للمقارنة بدل ما تسأل سؤال عام.

إيه الفرق في التكلفة بين موقع الشركة والمتجر الإلكتروني؟

المتجر فيه سلة ودفع وشحن وإدارة منتجات ومخزون، وكمان تتبع مبيعات للإعلانات، فبيحتاج شغل وتجربة أكتر من موقع شركة بنفس عدد الصفحات.

ووردبريس ولا منصة جاهزة زي سلة وشوبيفاي؟

المنصات الجاهزة أسرع في البداية لكن فيها اشتراك شهري وحدود في التعديل. ووردبريس وووكومرس مجانيين وملكك بالكامل ومرنين أكتر، بس محتاجين حد يعرف يظبطهم صح.

تصميم الموقع بياخد قد إيه؟

بيعتمد على الحجم وجاهزية المحتوى. صفحة هبوط ممكن تخلص في أيام، والمتجر الكبير بياخد أسابيع. وأكبر سبب للتأخير غالبًا إن المحتوى والصور مش جاهزين.

English version of this tool